აჭარის უმაღლესი საბჭოს წევრმა „ნაციონალური მოძრაობიდან“ პეტრემ ზამბახიძემ „დემოკრატიული ჩართულობის ცენტრში“ პრესკონფერენცია გამართა.
მან საზოგადოებრივი მაუწყებლის სამეურვეო საბჭოს წევრად ორჯერ წარდგენილი გენო გელაძის კანდიდატურის არ დამტკიცებაზე ისაუბრა.
„ამის შემდეგ ნებისმიერ კანდიდატი იქნება უმრავლესობის ლობირებული. საზოგადოებრივი მაუწყებლის სამეურვეო საბჭოს შერჩევა ერთგვარ თამაშს დაემსგავსა“.
„ეს არის რეგიონის საკანონმდებლო ორგანოს გადაწყვეტილების პირდაპირი იგნორირება, რაც რთულად აისახება აჭარის უმაღლეს საბჭოსა და საქართვლოს პარლამენტს შორის მომავალ ურთიერთობაზე.
ვფიქრობ ყველაფერი უნდა გაკეთდეს იმისთვის, რომ რეგიონის საკანონმდებლო ორგანოს არჩევანს პატივი სცეს ქართული ოცნების უმრავლესობამ. რომ აღარ მოხდეს ორჯერ წარდგენილი ღირსეული კანდიდატის ჩავარდნა.
იმისათვის რომ უმრავლესობის ლობირებული კანდიდატი არ დამტკიცდა საზოგადოებრივი მაუწყებლის სამეურვეო საბჭოში, უმაღლესი საბჭოს იმ წევრებმა, რომლებმაც მხარი დაუჭირეს გენო გელაძის კანდიდატურის დამტკიცებას, არ უნდა მიიღონ კენჭისყრაში მონაწილეობა, თანამდებობა კი ვაკანტური დარჩება” – განაცხადა პეტრე ზამბახიძემ პრესკონფერენციაზე.
უახლოეს დღეებში საქართველოს პარლამენტი, საზოგადოებრივი მაუწყებლის ბორდის 5 წევრის შერჩევაზე კიდევ ერთხელ გამოაცხადებს კონკურსს.
