Batumelebi | პასუხი სოფლის მეურნეობის მინისტრს პასუხი სოფლის მეურნეობის მინისტრს – Batumelebi
RU | GE  

პასუხი სოფლის მეურნეობის მინისტრს

 

 

არასამთავრობო ორგანიზაცია „ახალგაზრდული ინიციატივა მომავალი საქართველოსთვის“, აჭარის სოფლის მეურნეობის მინისტრის, ზაურ ფუტკარაძის სატელევიზიო კომენტარს ბრიფინდით ეხმაურება. ორგანიზაციის წარმომადგენელთა განცხადებით, მინისტრის გამონათქვამები აღიქმება არასამთავრობო ორგანიზაციის შეზღუდვისა და დისკრიმინაციის მცდელობად. 

 

„გვაქვს საფუძვლიანი ეჭვი, რომ  მინისტრის გაღიზიანება და არაკორექტულობა გამოიწვია ჩვენს მიერ გამოთხოვილი ინფორმაციისა და მინისტრის ბიზნეს-ინტერესების კავშირმა“-აცხადებენ ორგანიზაციის წევრები.

 ორგანიზაციის წევრებმა  24 იანვარს სოფლის მეურნეობის სამინისტროში ბრიფინგი გამართეს და მინისტრის გადადგომა მოითხოვეს, რადგან  მათ დროულად ვერ მიიღეს საჯარო ინფორმაცია,  რომელიც „საგაზაფხულო სამუშაოების ხელშეწყობის პროგრამის“ ფარგლებში, მუნიციპალიტეტების მიხედვით ვაუჩერების გაცემას ითვალისწინებდა.

ზაურ ფუტკარაძემ არასამთავრობო ორგანიზაციის ბრალდებებს ასე უპასუხა: „ძალიან სუსტი მოსწავლეები ჰყავს „ნაციონალურ მოძრაობას“ გაზრდილი, ადამიანმა ჯერ რძე შეიშროს და ისე ისაუბროს სამინისტროზე“.

მინისტრის განცხადებით, ინფორმაციას რომელსაც ორგანიზაციის წევრები მისგან მოითხოვნდნენ, საქართველოს სოფლის მეურნეობის სამინისტროსგან უნდა გამოეთხოვათ. 

არასამთავრობო ორგანიზაციის წარმომადგენელთა თქმით, მათთვის მიუღებელია, მინისტრის მცდელობა, ორგანიზაციის საქმიანობა დაუკავშიროს რომელიმე პოლიტიკურ პარტიას.

 

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე