Batumelebi | ბათუმში მშობიარობის შემდეგ გარდაცვლილის საქმეს პროკურატურა იძიებს ბათუმში მშობიარობის შემდეგ გარდაცვლილის საქმეს პროკურატურა იძიებს – Batumelebi
RU | GE  

ბათუმში მშობიარობის შემდეგ გარდაცვლილის საქმეს პროკურატურა იძიებს

 

ბათუმის სამშობიარო სახლში, მშობიარობის შემდეგ 29 წლის ქალი დაიღუპა. მან პირველი შვილი გააჩინა. ბავშის სიცოცხლესა და ჯანმრთელობას საფრთხე არ ემუქრება. 

 

ექიმების თქმით, მშობიარობის დროს აღმოჩნდა, რომ ქალს გადიდებული ჰქონდა ღვიძლი და ელენთა, რამაც საკეისრო  კვეთის აუცილებლობა გამოიწვია. „ოპერაცია 24 იანვარს 23:20 წუთზე გაკეთდა და ნორმალურად ჩაიარა. ექიმების თქმით, პაციენტის მდგომარეობა დილით გართულდა. „აუცილებელი გახდა საშვილოსნოს ამოკვეთა“-უთხრა „ბათუმელებს“ სამშობიარო სახლის დირექტორმა ლამარა ჩაზმავამ.

მორიგე ექიმის განმარტებით,  მშობიარის დაღუპვა  ქრონიკულმა დაავადებამ ანემიამ, გადიდებულმა ღვიძლმა და ელენთამ გამოიწვია.   ცხედარი პროზექტურაშია, მას ექპერტიზას უტარებენ. გარდაცვალების ფაქტზე   გამოძიება დაიწყო. 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი