Batumelebi | ონკოლოგიურ დაავადებათა მქონე პაციენტების გამოკვლევებს დააფინანსებენ ონკოლოგიურ დაავადებათა მქონე პაციენტების გამოკვლევებს დააფინანსებენ – Batumelebi
RU | GE  

ონკოლოგიურ დაავადებათა მქონე პაციენტების გამოკვლევებს დააფინანსებენ

 

ბათუმის მერია ონკოლოგიურ დაავადებათა მქონე პაციენტების გამოკვლევებსა და მკურნალობას დააფინანსებს. 30-დან 60 წლამდე ასაკის ქალები  გამოკვლევებსა და მკურნალობას ბათუმის ონკოლოგიურ ცენტრში უფასოდ ჩაიტარებენ. 

 

პროგრამა საშვილოსნოს, საკვერცხეების, მკერდისა და ფარისებრი ჯირკვლის სხვადასხვა პათოლოგიის ონკომარკერებით გამოკვლევას, საშვილოსნოს ყელის კოლპოსკოპიასა და ექოსკოპიას ითვალისწინებს. დაავადების აღმოჩენის შემთხვევაში, დაფინასდება საშვილოსნოს ყელის დაზიანების ამოკვეთა ან დაშლა მორფოლოგიით – ექსციზიური მკურნალობა, ასევე რადიოტალღური ან ლაზერული მკურნალობა.

 

ონკოლოგიურ დაავადებათა ადრეული ფორმების დიანოსტიკის, პრევენციისა და მკურნალობის პროგრამა 1400 პაციენტზეა გათვლილი და 91 ათას 900 ლარით ფინანსდება.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"