Batumelebi | გამოფენა “სამი კუთხე“ თანამედროვე ხელოვნების სივრცეში გამოფენა “სამი კუთხე“ თანამედროვე ხელოვნების სივრცეში – Batumelebi

გამოფენა “სამი კუთხე“ თანამედროვე ხელოვნების სივრცეში

18 მარტიდან 15 აპრილის ჩათვლით თანამედროვე ხელოვნების სივრცეში გამოფენა „სამი კუთხე“ მოეწყობა. გამოფენაზე ერთ სივრცეში განთავსდება სამი ქვეყნის – საქართველოს, აზერბაიჯანისა და სომხეთის ყოველდღიურობის ამსახველი ფოტოები, უფრო ზუსტად კი სამ მეზობელ ქვეყანაში მცხოვრები ფოტოგრაფების რეაქციები მათ გარშემო მომხდარ ისტორიებზე.

გამოფენის ორგანიზატორების თქმით, გამოფენის მიზანია ფოტოების მეშვეობით სამ მეზობელ ქვეყანაში მიმდინარე მოვლენებისა და ყოფის ერთიანი სურათის შექმნა, რაც საშუალება მისცემს დამთვალიერებელს, ერთიან კონტექსტში აღიქვას და შეადაროს სამი ქვეყნის ის მსგავსებები თუ განსხვავებები, რაც მნიშვნელოვნად განსაზღვრავს თითოეული ქვეყნის მდგომარეობას.

გამოფენაზე წარმოდგენილი იქნება შემდეგი 30 ფოტოგრაფის ფოტოები, თანდართული მოკლე ისტორიებით: ჰაიკ ბიანჯიანი (სომხეთი), ქნარ ბაბაიანი (სომხეთი), ნელი შიშმანიანი (სომხეთი), ანაჰიტ ჰაირაპეტიანი (სომხეთი), ნაზიკ არმენაკიანი (სომხეთი), ეჰმედ მუხტარი (აზერბაიჯანი), ეჰთირამ ჯაბი (აზერბაიჯანი), ელნურ მუხტარი (აზერბაიჯანი), გულრნარ სალიმოვა (აზერბაიჯანი), ჯაჰანგირ იუსუფი (აზერბაიჯანი), მუჰამედ თურქმენი (აზერბაიჯანი), რასულ გულიევი (აზერბაიჯანი), ვუგარ სევდიმალი (აზერბაიჯანი), ანა კაიშაური (საქართველო), იანა ყორბეზაშვილი (საქართველო), ერეკლე სოლოღაშვილი (საქართველო), გიორგი გოგუა (საქართველო), გიორგი დუნდუა (საქართველო), გურამ მურადოვი (საქართველო), ირაკლი ტაბატაძე (საქართველო), კახა კახიანი (საქართველო), ლაშა ცერცვაძე (საქართველო), ლევან ხერხეულიძე (საქართველო), მანო სვანიძე (საქართველო), მზია საგანელიძე (საქართველო), ნათია გელანტია (საქართველო), სოფო აფციაური (საქართველო), დათო ქორიძე (საქართველო), ნინო-ანა სამხარაძე (საქართველო), ონიკ ჯეიმს კრიკორიანი (საქართველო, დიდი ბრიტანეთი).

გამოფენაზე წარმოდგენილი მასალა განთავსებულია არასამთავრობო ორგანიზაცია „მედია არტივიზმის“ მიერ შექმნილ ვებ გვერდზე www.myangle.net.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან