Batumelebi | დისკუსია: ქართული საზოგადოება და მისი მოქალაქეობრივი თვითშეგნება დისკუსია: ქართული საზოგადოება და მისი მოქალაქეობრივი თვითშეგნება – Batumelebi
RU | GE  

დისკუსია: ქართული საზოგადოება და მისი მოქალაქეობრივი თვითშეგნება

 

 23 იანვარს, ბათუმის დემოკრატიული ჩართულობის ცენტრის ინიციატივით გაიმართება დისკუსია თემაზე: ქართული საზოგადოება და მისი მოქალაქეობრივი თვითშეგნება.

 

 

“დღეს ბევრს ლაპარაკობენ სამოქალაქო საზოგადოების როლისა და ფუნქციის შესახებ ქვეყნის ტრანსფორმაციის საქმეში. ჩვეულებრივი ყოფითი ქცევებიდან ყალიბდება სამოქალაქო კულტურა. ეს იქნება ნაგვის გადაყრის წესი, ქუჩაში ტრანსპორტით მოძრაობის წესი, კანონმორჩილება, ზოგადად გაცნობიერება იმის, რომ ხარ მოქალაქე და რას უნდა აკეთებდე იმისთვს, რომ იყო ჩართული როგორც შენი უფლებების დაცვაში ასევე სხვების უფლებების პატივისცემაში.

 არის თუ არა ყოფითი კულტურის დეფიციტი საზოგადოებაში? რას ნიშნავს იყო მოქალაქე? რამდენად განსაზღვრავს ყოფითი კულტურა სამოქალაქო კულტურას რომელიც ან გვაქვს ან გვინდა, რომ გვქონდეს? ეს ის საკითხები იქნება რომლებზეც დისკუსიის მონაწილეები იმსჯელებენ”_აღნიშნა თეონა დიასამიძემ, ბათუმის დემოკრატიული ჩართულობის ცენტრის კოორდინატორის მოადგილემ.

მომხსენებლები  ფსიქოლოგი მირანდა ჩარკვიანი და ფოტოგრაფი ლაშა ფალავანდიშვილი იქნებიან. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"