Batumelebi | უმაღლესი საბჭოს შტატგარეშე თანამშრომლები უმაღლესი საბჭოს შტატგარეშე თანამშრომლები – Batumelebi
RU | GE  

უმაღლესი საბჭოს შტატგარეშე თანამშრომლები

გასული წლის ოქტომბრიდან დღემდე აჭარის უმაღლესმა საბჭომ შტატგარეშე თანამშრომლების ანაზღაურებისთვის 18 055 ლარი დახარჯა. ამ პერიოდში უმაღლეს საბჭოს, სადაც 25 დეპუტატს 104-კაციანი აპარატი ემსახურება, 11 ადამიანი დამატებით, ხელშეკრულებით აიყვანეს.

უმაღლესი საბჭოსგან მიღებული ინფორმაციით, 2017 წლის 17 თებერვლის მდგომარეობით, ამ ეტაპზე საბჭოში მხოლოდ 4 შტატგარეშე თანამშრომელია: ბესო შერვაშიძე, თენგიზ ჯინჭარაძე, დავით ჩხენკელი და ლაშა ჩხარტიშვილი.

ამ ოთხი პირის გარდა, ახალი მოწვევის უმაღლეს საბჭოს, გასული წლის ოქტომბრიდან მიმდინარე წლის 17 თებერვლამდე, ხელშეკრულება გაფორმებული ჰქონდა წინა მოწვევის უმაღლესი საბჭოს აპარატის ყოფილ წევრებთანაც: ჯამბულ კურცხალიძე, ვლადიმერ ხუბულავა, ზაზა ნიჟარაძე, მერაბ მჟავანაძე, ანა ვასინა.

უმაღლესი საბჭოს აპარატში სულ 104 საშტატო ერთეულია გათვალისწინებული. აპარატის წევრებისთვის და დეპუტატებისთვის ხელფასებში 2017 წელს ჯამში 3 მილიონ 464 ათასი დაიხარჯება. აქედან შტატგარეშე თანამშრომლებისთვის 735 200 ლარია გათვალისწინებული.

ნეტგაზეთის მასალების სხვა გამოცემებში გადაბეჭდვის წესი
ავტორი