ამ წუთებში, კლიმატის ცვლილების კონტექსტში, აჭარის სანაპირო ზონის განვითარების პერსპექტივების თემაზე, ბათუმში კონფერენცია მიმდინარეობს, რომლის ორგანიზატორია კავკასიის გარესმოსდაცვითი არასამთავრობო ორგანიზაციათა ქსელი – CENN.
კონფერენციაზე განხილული იქნება ისეთი თემები როგორიცაა:
კლიმატის ცვლილების გავლენა აჭარის სანაპირო ზოლზე; ტურიზმის გავლენა ზღვის სანაპირო ზონის ეკოლოგიური მდგომარეობის გეოგრაფიულ თავისებურებებზე აჭარაში; აჭარის სანაპირო ზონის თანამედროვე მორფოდინამიკა და სხვა.
კონფერენციაზე სპეციალისტები იმსჯელებენ და რეკომენდაციებს გასცემენ შავი ზღვის ნაპირის დაცვის მიზნით გამოყენებული მეთოდებისა და შედეგების შესახებაც.
კონფერენცია ეხმაურება, კლიმატის გლობალური დათბობის ფონზე, ზღვის საშუალო მრავალწლიური დონის პერმანენტული აწევის პირობებში, აჭარის საზღვრებში ზღვის ნაპირის გაძლიერებული წარეცხვის და სანაპირო ხაზის უკან დახევის, სანაპირო ზონაში განლაგებული სხვადასხვა დანიშნულების შენობა-ნაგებობებისა და ინფრასტრუქტურული ობიექტების მოწყვლადობის შეფასებას და მომავალ ათწლეულებში ზღვის ნაპირის მორფოდინამიკური განვითარების პროგნოზირებას.
კონფერენციის ორგანიზატორების ინფორმაციით, შეხვედრებისას მონაწილეები ერთმანეთთან შეათანხმბენ წიაღისეულის მართვის პოლიტიკის საკითხებს და ამ კუთხით არსებული კონკრეტული პრობლემების მოსაგვარებლად შეიმუაშევებენ სამოქმედო გეგმასაც.
