მთავარი,სიახლეები

რუსთაველის უნივერსიტეტის ოთხმა პროფესორმა სამეცნიერო გრანტი მოიპოვა

22.02.2017 • 2585
რუსთაველის უნივერსიტეტის ოთხმა პროფესორმა სამეცნიერო გრანტი მოიპოვა

ბათუმის რუსთაველის სახელმწიფო უნივერსიტეტის ოთხმა პროფესორმა, რუსთაველის ეროვნული სამეცნიერო ფონდის გრანტი მოიპოვა.

ფონდმა დააფინანსა ფუნდამენტური და გამოყენებითი კვლევების პროფესორების: მამია ფაღავას, მალხაზ ჩოხარაძის, შოთა მამულაძისა და მაია ვანიძის სამეცნიერო პროექტები.

ბსუ-ს ადმინისტრაციის ინფორმაციით, შოთა მამულაძე „ისტორიული ჭანეთის ცენტრალურ ნაწილში დაცული ქართული კულტურული მემკვიდრეობის ძეგლებზე“ იმუშავებს, მამია ფაღავას ხელმძღვანელობით სამეცნიერო პროექტი „ტაო“ (ისტორიულ-ფილოლოგიური გამოკვლევა) განხორციელდება,  მალხაზ ჩოხარაძის ხელმძღვანელობით კი – „მარადიდი“.

აქედან მხოლოდ ერთი – მაია ვანიძე იმუშავებს საბუნებისმეტყველო მეცნიერებების მიმართულებით, თემაზე – „თაფლისა და ღვინის ქიმიური შემადგენლობის შესწავლა მაღალი წნევის სითხური ქრომატოგრაფირებით“. პროექტი  ორწლიანია და ბიუჯეტი 233 ათასი ლარს შეადგენს.

ოფიციალური ინფორმაციით, პროექტის – „მარადიდი“ და „ტაო“-ს  ბიუჯეტი 149 700 ლარს შეადგენს. ხოლო შოთა მამულაძის პროექტი 150 000 ლარით დაფინანსდება.

გადაბეჭდვის წესი


ასევე: