Batumelebi | ხანძრის შედეგად დაშავებული პირები თბილისში გადაიყვანეს ხანძრის შედეგად დაშავებული პირები თბილისში გადაიყვანეს – Batumelebi
RU | GE  

ხანძრის შედეგად დაშავებული პირები თბილისში გადაიყვანეს

22 თებერვალს, გვიან ღამით, ბათუმში, ღამის კლუბ ,არენაში“  გაჩენილი ხანძრის შედეგად დაშავებული პირები თბილისში დამწვრობის ცენტრში გადაიყვანეს. სასწრაფო სამსახურის ინფორმაციით, ხანძრის შედეგად ერთი ქალი გარდაიცვალა, ორი ქალი და ერთი მამაკაცი კი სხეულის მძიმე დამწვრობებით მოათავსეს საავადმყოფოში.

სასწრაფო დახმარების სამსახურის ინფორმაციით, ხანძრის შედეგად დაშავებული პირები, სავარაუდოდ საქართველოს მოქალაქეები არიან.

შს სამინისტროს ინფორმაციით, გამოძიება დაწყებულია სსკ-ის 187-ე მუხლის მესამე ნაწილით, რაც გულისხმობს ნივთის დაზიანებას ან განადგურებას ცეცხლის წაკიდებით ან აფეთქებით, რამაც გაუფრთხილებლობით ადამიანის სიცოცხლის მოსპობა გამოიწვია.

აჭარის ჯანდაცვის სამინისტროს ინფორმაციით, დაშავებული პირების მკურნალობის ხარჯებს, სახელმწიფო დაზღვევა აანაზღაურებს.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com