Batumelebi | ოსმალთა ბატონობისგან გათავისუფლების აღმნიშვნელი მემორიალური დაფა ქობულეთში ოსმალთა ბატონობისგან გათავისუფლების აღმნიშვნელი მემორიალური დაფა ქობულეთში – Batumelebi
RU | GE  

ოსმალთა ბატონობისგან გათავისუფლების აღმნიშვნელი მემორიალური დაფა ქობულეთში

 

„აჭარის მამულიშვილთა საგვარეულო კავშირის“ ხელმძღვანელი ნიაზ ბოლქვაძე ამბობს, რომ მისი კავშირი და „ქართული ოცნება სამართლიანობისათვის აჭარაში“ 17 აგვისტოსთვის ქობულეთში აპირებენ დადგან საინფორმაციო დაფა, „რომელიც მიეძღვნება აჭარის ოსმალთა იმპერიის 300 წლოვანი ბატონობისგან გათავისუფლების 135 წლის თავს“.

 

ნიაზ ბოლქვაძე
ნიაზ ბოლქვაძე

 

 

ნიაზ ბოლქვაძის თქმით, საინფორმაციო დაფა დაიდგმება ჩოლოქის ხიდთან. ის იმედოვნებს, რომ მომავალში საინფორმაციო დაფის ადგილზე შესაბამისი მემორიალის დადგმას ქობულეთის გამგეობა უზრუნვევლყოფს.

 

ნიაზ ბოლქვაძის განმარტებით, ეს დაფა არ იდგმება იმისთვის, რომ „მეზობელ თურქეთთან ურთიერთობა გაგვიფუჭდეს“.

 

ნიაზ ბოლქვაძის თქმით, ქობულეთის გამგეობამ საინფორმაციო დაფის განთავსების მიზნით უკვე გამოყო შესაბამის ადგილი ჩოლოქში.

 

ქობულეთის გამგეობაში საინფორმაციო დაფისთვის ადგილის გამოყოფას არ ადასტურებენ, თუმცა ამბობენ, რომ პროცედურა დაწყებულია.

 

ქობულეთის გამგებლის მოვალეობის შემსრულებლის, ჯანსუღ ჯინჭარაძის თქმით, „ეს წერილი შემოვიდა იმ კვირაში, მაგრამ, ჯერჯერობით, პროცედურა მიმდინარეობს. შეთანხმების თაობაზე გადაწყვეტილება მიღებული არ არის. მისასვლელია, კონკრეტულად ადგილია გამოსაყოფი თუ რაც არის, ეს ყველაფერი დაწყებულია“.

ნეტგაზეთის მასალების სხვა გამოცემებში გადაბეჭდვის წესი
ამალია ამბარცუმიანი