მთავარი,სიახლეები

ბათუმში ბარათაშვილის #24-ში ისტორიული სახლი დაანგრიეს

12.02.2017 • 5423
ბათუმში  ბარათაშვილის #24-ში ისტორიული სახლი დაანგრიეს

12 თებერვალს ბათუმში დაანგრიეს ბარათაშვილის ქუჩის #24-ში მდებარე შენობა, რომელიც XIX-XX საუკუნეების მიჯნაზე იყო აგებული.

ამ სახლისთვის ძეგლის სტატუსის მინიჭების საკითხი საქართველოს კულტურული მემკვიდრეობის ძეგლთა დაცვის სააგენტოსთან არსებულმა საბჭომ ორჯერ განიხილა: 2014 წლის 3 ივნისს საბჭომ გადაწყვიტა, რომ სახლს კულტურული მემკვიდრეობის ძეგლის სტატუსი უნდა მინიჭებოდა, იმავე წლის ბოლოს კი საბჭო ხელახლა შეიკრიბა და გადაწყდა, სახლს ძეგლის სტატუსი არ მინიჭებოდა. საბჭოს ორი, სხვადასხვა გადაწყვეტილება ორ დასკვნას ემყარებოდა. პირველი დასკვნა, სადაც აღნიშნული იყო, რომ სახლი ძეგლის სტატუსს იმსახურებდა მისი ნიშან-თვისებების გამო, აჭარის კულტურული მემკვიდრეობის სააგენტოს დაკვეთით მომზადდა. მეორე დასკვნა, სადაც ეწერა, რომ შენობას ძეგლის გამოხატული ნიშან-თვისებები არ აქვს, შენობის მესაკუთრის მიერ მოწვეული ხელოვნებათმცოდნის მიერ იყო მომზადებული, თუმცა სააგენტოსთან არსებულმა საბჭომ სწორედ ამ უკანასკნელის რეკომენდაცია გაითვალისწინა. 

ამ ადგილას 7-სართულიანი, მრავალფუნქციური სახლის აგება იგეგმება. საჯარო რეესტრის ინფორმაციის თანახმად, ეს ტერიტორია “დარ ბილდინგს“ ეკუთვნის.

ასე გამოიყურებოდა შენობა დანგრევამდე:

ბარათაშვილის #24, შოთა გუჯაბიძის ფოტო

ბარათაშვილის #24, შოთა გუჯაბიძის ფოტო

ბარათაშვილის #24 დღეს:

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ბარათაშვილის #24

ამავე თემაზე: 

ისტორიული სახლების ნგრევის სერია ბათუმში

 ბათუმში კულტურული მემკვიდრეობის ძეგლი, ძველი ეკლესია ჩამოინგრა

 

გადაბეჭდვის წესი


ასევე: