სიახლეები

მშენებლობასთან დაკავშირებული ახალი რეგულაციები ჩავარდა

18.07.2013 • 1347
მშენებლობასთან დაკავშირებული ახალი რეგულაციები ჩავარდა

 

 

ბათუმის საკრებულო, ქალაქის ტერიტორიაზე ზონალური შეთანხმების გაცემისათვის მოსაკრებლის შემოღებასა და მისი გადახდის ინსტრუქციის დამტკიცებას გეგმავდა. საკითხის მიხედვით, ქალაქის გარკვეულ ნაწილში, კონკრეტულად ჭავჭავაძის ქუჩამდე და გრიბოედობის ქუჩის ჩათვლით, მშენებლობებთან დაკავშირებით გარკვეული შეზღუდვები უნდა დაწესებულიყო და მშენებლობა გამხდარიყო ფასიანი. 

 

საცხოვრებელ ზონაში, ყოველ დამატებულ კვადრატულ მეტრზე მშენებელი გადაიხდიდა 143 ლარს, საქმიან ზონაში კი 105 ლარს, რაც ქალაქის მთავარი არქიტექტორის გიორგი რამიშვილის განცხადებით, დამატებით შემოსავალს შეიტანდა ქალაქის ბიუჯეტში. „გარდა ამისა, დარეგულირდებოდა მშენებლობის ნორმებიც. სამწუხაროდ, ეს წინადადება არ გავიდა. ხმები გადანაწილდა შვიდი-შვიდზე. არ ვიცი, რატომ არ დაუჭირა მხარი საკრებულოს უმრავლესობამ ამ საკითხს. ჩემი ეჭვები მაქვს, მაგრამ დაუსაბუთებლად მაინც ვერ ვისაუბრებ“, – განაცხადა არქიტექტორმა.

 

საკრებულოს წევრთა ნაწილის განცხადებით, ახალი რეგულაციები მშენებლებისთვის კონკურენტული გარემოს შექმნას შეუშლის ხელს, რასაც არ ეთანხმება მთავარი არქიტექტორი.

 

ახალი რეგულაციები არ ეხება ძველ ბათუმს, რადგან აქ განსაკუთრებული რეგულაციები მოქმედებს და 15-მეტრიან შენობაზე დიდი სიმაღლის მშენებლობა დაუშვებელია.

გადაბეჭდვის წესი


ასევე: