Batumelebi | უმაღლესი საბჭოს წევრს პოლიციისადმი დაუმორჩილებლობაში სდებენ ბრალს უმაღლესი საბჭოს წევრს პოლიციისადმი დაუმორჩილებლობაში სდებენ ბრალს – Batumelebi
RU | GE  

უმაღლესი საბჭოს წევრს პოლიციისადმი დაუმორჩილებლობაში სდებენ ბრალს

შინაგან საქმეთა სამინისტროს პრესსამსახურის ინფორმაციით, უმაღლესი საბჭოს წევრმა, „ერთიანი ნაციონალური მოძრაობის“ ფრაქციის თავმჯდომარემ, ელგუჯა ბაგრატიონმა და ქობულეთის საკრებულოს წევრმა, ბონდო თედორაძემ გზა გადაკეტეს, რის გამოც პოლიციამ ისინი დააკავა. საქმე აღძრულია ადმინისტრაციული კოდექსის 173-ე მუხლით, რაც პოლიციელის კანონიერი მოთხოვნისადმი დაუმორჩილებლობას გულისხმობს.

ელგუჯა ბაგრატიონი და ბონდო თედორაძე დღეს, 5 თებერვალს, სოფელ ციხისძირში გამართულ საპროტესტო აქციაზე დააკავეს.

უმაღლესი საბჭოს წევრის, გია აბულაძის ინფორმაციით, ამ დროისთვის დაკავებულები გადაყვანილნი არიან წინასწარი დაკავების იზოლატორში.

დღეს ავტომაგისტრალი რამდენიმე საათით იმის გამო ჩაიკეტა, რომ ექსპრემიერ-მინისტრის, ბიძინა ივანიშვილის დაკვეთით, ციხისძირიდან ამოთხრილი ხე გაჰქონდათ.

„ერთიანი ნაციონალური მოძრაობა“ დღეს ციხისძირში ხეების გადატანას აპროტესტებდა.

ეს უკვე მეორე შემთხვევაა, როცა ხეების გადატანის საპროტესტო აქციაზე ელგუჯა ბაგრატიონი დააკავეს. პირველად ის პარტიზანი მებაღეების სამ წევრთან ერთად გასული წლის სექტემბერში დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი