Batumelebi | „ის, რაც შემორჩა ფოტოზე“ – ფოტოგამოფენა ბათუმში „ის, რაც შემორჩა ფოტოზე“ – ფოტოგამოფენა ბათუმში – Batumelebi
RU | GE  

„ის, რაც შემორჩა ფოტოზე“ – ფოტოგამოფენა ბათუმში

 

„ის, რაც შემორჩა ფოტოზე“ – ამ ფოტოგამოფენით დღეს ბათუმში მსოფლიო ძეგლთა დაცვვის საერთაშორის დღესთან დაკავშირებით გამართული კვირეული დაიხურა.

კვირეული ფარგლებში აჭარის ძეგლთა დაცვისა და კულტურული მემკვიდრეობის სააგენტომ ბათუმში რამდენიმე ფოტოგამოფენა მოაწყო. ფოტოგამოფენა დღეს ბათუმში ევროპის მოედანზე გაიმართა, გუშინ კი 30 ფოტო ილია ჭავაჭავაძის დრამატულ თეატრში იყო გამოფენილი.

როგორც „ბათუმელებს“ აჭარის კულტურული მემკვიდრეობის სააგენტოს ხელმძღვანელმა ბიძინა აფხაზავამ განუცხადა, კვირეულის ფარგლებში აჭარის მაღალმთიანი რეგიონებიდან სოციალურად დაუცველ და შეზღუდული შესაძლებლობების მქონე ბავშვებს უმასპინძლეს.

„აჭარის ყველა რაიონიდან 20-20 სოციალურად დაუცველი ბავშვი მოვიწვიეთ, ასევე გვყავდა მოწვეული შეზღუდული შესაძლებლობების მქონე ბავშვებიც მასწავლებლებთან ერთად. დავათვალიერებინეთ ბათუმში არსებული მუზეუმები უფასოდ, ასევე წავიყვანეთ კინოში,  მათგან უმრავლესობას კინო ნანახი არც ჰქონდა“ – აღნიშნა ბიძინა აფხაზავამ.

მისივე თქმით, აჭარაში არსებული კულტურული მემკვიდრეობის ამსახველი ფოტოების გამოფენა თბილისშიც გაიმართება.

ღონისძიება აჭარის განათლების სამინისტროსა და საქართველოს კულტურისა და ძეგლთა დაცვის სამინისტროს მხარდაჭერით გაიმართა.

ნეტგაზეთის მასალების სხვა გამოცემებში გადაბეჭდვის წესი
თამარ ჯაყელი