Batumelebi | მოქალაქემ აჭარის ეკონომიკის სამინისტროში თავის დაწვა სცადა მოქალაქემ აჭარის ეკონომიკის სამინისტროში თავის დაწვა სცადა – Batumelebi
RU | GE  

მოქალაქემ აჭარის ეკონომიკის სამინისტროში თავის დაწვა სცადა

 

 

დღეს აჭარის ფინანსთა და ეკონომიკის სამინისტროში სოციალურად დაუცველმა ვ. ლ საწვავი შეიტანა და თავის დაწვა სცადა. როგორც სამინისტროს თანამშრომლები აცხადებენ, ვ. ლ-ს ოჯახი სოციალურად დაუცველია და მას დროებითი საცხოვრებლიდან ასახლებენ. 

 

 

როგორც აჭარის ფინანსთა და ეკონომიკის მინისტრი დავით ბალაძე აცხადებს, ვ. ლ. ხელვაჩაურის მინიციპალიტეტის სოფელ ახალშენში ყოფილი კლუბის შენობაში ოჯახთან და მცირეწლოვან ბავშვებთან ერთად ცხოვრობს.

მინისტრი ამბობს, რომ ვ. ლ-ას ოჯახის გამოსახლებაზე სხვადასხვა უწყებების შუამდგომლობა მიიღო, მათ შორის აჭარის უმაღლესი საბჭოს: „ოჯახის გამოსახლებას მოითხოვს ადგილობრივი მოსახლეობაც, რადგან იმ შენობაში ამბულატორიის გახსნა იგეგმება“.

ფინანსთა და ეკონომიკის მინისტრი აცხადებს, რომ ოჯახს წასასვლელი სხვაგან არსად აქვს: „მაგრამ ჩვენ ვალდებული ვართ, ყველა უკანონო შეჭრის დროს კანონი დავიცვათ, რადგან ქონების განმკარგველი არის სამინისტრო“.

დავით ბალაძის განცხადებით, ოჯახის მდგომარეობა ხელვაჩაურის მუნიციპალიტეტმა უნდა შეისწავლოს და დაადგინოს თუ რომელი კატეგორიით არის სოციალურად დაუცველი. „აქედან გამომდინარე კი გაატაროს შესაბამისი ღონისძიებები“.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე