Batumelebi | სასტუმრო ბათუმის საჯარო ბიბლიოთეკასთან, ძეგლის დაცვის ზონაში სასტუმრო ბათუმის საჯარო ბიბლიოთეკასთან, ძეგლის დაცვის ზონაში – Batumelebi
RU | GE  

სასტუმრო ბათუმის საჯარო ბიბლიოთეკასთან, ძეგლის დაცვის ზონაში

ბათუმში, ვაჟა-ფშაველას 26-ში, ძველი, ორსართულიანი სახლის დანგრევის ნაცვლად ინვესტორი სასტუმროს აშენებას გეგმავს. ამ შენობის გვერდით რამდენიმე შენობას ძეგლის სტატუსი აქვს.

ვაჟა-ფშაველას ქუჩაზე, იმ ადგილის გასწვრივ, სადაც ინვესტორს სასტუმროს აშენება სურს, ორსართულიანი ძველი სახლებია, მათ შორის ძეგლის სტატუსის მატარებელია ვაჟა-ფშაველას #19-ში, #27-ში, #37-ში და # 42 ში მდებარე შენობები. ეს იმას ნიშნავს, რომ ინვესტორი მშენებლობას ძეგლის დაცვის ზონაში გეგმავს, შესაბამისად, პროექტი კულტურული მემკვიდრეობის სააგენტოს ზონალურმა საბჭომ უნდა განიხილოს.

იმ სახლის გასწვრივ, რომლის დანგრევის ხარჯზეც ინვესტორი მშენებლობას გეგმავს, ორსართულიანი, ერთი საიმაღლის სახლებია. თუ იქ ინვესტორი მაღალსართულიანი სასტუმროს მშენებლობის უფლებას მიიღებს, ქუჩის ეს მონაკვეთი იერსახეს მთლიანად შეცვლის.

ბათუმში ვაჟა ფშაველას 26-ში ძველი ორ სართულიანი სახლის ათვისების ხარჯზე ინვესტორი სასტუმროს აშენებას გეგმავს. ფოტო: ცაგო კახაბერიძე

ბათუმში, ვაჟა-ფშაველას 26-ში ძველი, ორსართულიანი სახლის ათვისების ხარჯზე ინვესტორი სასტუმროს აშენებას გეგმავს.
ფოტო: ცაგო კახაბერიძე

ინვესტორმა ბათუმის მერიას ვაჟა-ფშაველას 26-ში მშენებლობის ნებართვის მისაღებად უკვე მიმართა. მერიამ თავის მხრივ ინვესტორის წინადადება და არქიტექტურული პროექტი შესათანხმებლად კულტურული მემკვიდრეობის სააგენტოს გადაუზავნა.

სასტუმროს აშენებას ძეგლების დაცვის ზონაში კომპანია „ოქსოი გრუპ ბათუმი“ გეგმავს. კომპანიის მფლობელი თურქი ბიზნესმენი ეროლ აქსიოა. კომპანიის დირეტორად კი საქართველოს მოქალაქე ინგა ბოლქვაძე ფიქსირდება, რომელთან დაკავშირებაც ვერ შევძელით. კომპანია საქართველოში 1999 წელსაა დარეგისტრირებული.

ნეტგაზეთის მასალების სხვა გამოცემებში გადაბეჭდვის წესი
ავტორი