Batumelebi | „ეტალონი 2017“ ქედის გამგეობას 2 900 ლარი დაუჯდა „ეტალონი 2017“ ქედის გამგეობას 2 900 ლარი დაუჯდა – Batumelebi
RU | GE  

„ეტალონი 2017“ ქედის გამგეობას 2 900 ლარი დაუჯდა

დღეს, 26 იანვარს, ქედის მუნიციპალიტეტის სასპორტო სკოლაში „ეტალონი 2017“  ჩატარდა. ინტელექტუალური თამაშის ჩასატარებლად ქედის გამგეობამ ადგილობრივი ბიუჯეტიდან 2900 ლარი დახარჯა.

ქედის მუნიციპალიტეტის გამგებლის მოადგილის, მამუკა ფარტენაძის თქმით, 2 900 ლარიდან 1000 ლარი ინტელექტუალურ ღონისძიებაში პირველ, მეორე და მესამე ადგილზე გასულ მოსწავლეებს შეხვდა. პირველ ადგილზე გასულ მონაწილეს 500, მეორე ადგილზე გასულს – 300 ლარი, მესამე ადგილზე გასულს კი 200 ლარი გადაეცა. რაც შეეხება დანარჩენ 1 900 ლარს, მამუკა ფარტენაძემ თქვა, რომ ამ თანხასთან დაკავშირებით კომენტარს არ გააკეთებს.

სასპორტო სკოლაში დღეს ჩატარებულ ინტელექტუალურ თამაშში მონაწილეობა ქედის საჯარო სკოლების 79 მოსწავლემ მიიღო.

ქედის ეტალონი მოსწავლე პირველ მაისის საჯარო სკოლის მოსწავლე მაკა გოგუაძე გახდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი