„არა რუსულ პოლიტიკას“, „დიდება გმირებს“ , „თავისუფლება გია ცერცვაძეს“ – ამ და სხვა შინაარსის ტრანსპარანტებით დღეს ბათუმის იუსტიციის სახლთან გიორგი ცერცვაძის დაკავება და მისი რუსეთის სამართალდამცავ ორგანოებზე შესაძლო გადაცემა გააპროტესტეს.
აგვისტოს ომის მონაწილის, უკრაინაში დაკავებული გიორგი ცერცვაძის მხარდასაჭერად აქცია „ერთიანმა ნაციონალურმა მოძრაობამ“ დაგეგმა.
გიორგი ცერცვაძე 2017 წლის 15 იანვარს საქართველოდან უკრაინაში გამგზავრების შემდეგ კიევის აეროპორტში დააკავეს. 17 იანვარს კი კიევის სასამართლომ მას 40 დღით წინასწარი პატიმრობა შეუფარდა.
აქცია ბათუმში გიორგი ცერცვაძის მხარდასაჭერად
ფოტო: თორნიკე თავაძე
