რუსეთში, სამარის ოლქში, ნოვოკუიბიშევსკში ნავთობგადამამუშავებელი ქარხანა დრონის თავდასხმის შემდეგად იწვის.
ტელეგრამარხები, რომლებიც რუსეთ-უკრაინის ომს აშუქებენ, Astra და Exilenova+, წერენ, რომ 30 ნოემბრის დილით, ნოვოკუიბიშევსკის მცხოვრებებმა აფეთქებებისა და საჰაერო თავდაცვის განგაშის შესახებ შეიტყვეს.
რეგიონში დრონების საფრთხეზე განგაში ოფიციალურად დილის 6:00 საათზე გამოცხადდა, ამ დროისთვის თავდასხმა უკვე მიმდინარეობდა. დაიხურა ქალაქის აეროპორტი.
უკრაინული მედიის ცნობით, ნოვოკუიბიშევსკის ნავთობგადამამუშავებელი ქარხანა 20-ზე მეტი სახეობის ნავთობპროდუქტს აწარმოებს, მათ შორის, ევრო-5 სტანდარტის საავტომობილო ბენზინს და დიზელის საწვავს, საავიაციო საწვავს (რუსეთის საჰაერო ძალებისთვის) და ა.შ.
ფოტო: Exilenova+/telegram






