Batumelebi | მასწავლებლები გაზრდილ ხელფასს 20 იანვრიდან აიღებენ მასწავლებლები გაზრდილ ხელფასს 20 იანვრიდან აიღებენ – Batumelebi
RU | GE  

მასწავლებლები გაზრდილ ხელფასს 20 იანვრიდან აიღებენ

საჯარო სკოლის პედაგოგებს, რომლებსაც საგნობრივი გამოცდა ჩაბარებული აქვთ, განათლების მინისტრის ბრძანების შესაბამისად, გაზრდილ ხელფასს 20 იანვრიდან აიღებენ.

ბათუმის მე-2 საჯარო სკოლის დირექტორი, მარიზა აბაშიძე გვეუბნება, რომ გაზრდილი ხელფასების გაცემასთან დაკავშირებით მინისტრის ბრძანება უკვე მიიღეს:

„ხელფასი იზრდება 20 იანვრიდან, თუმცა, ბრძანება უკვე მოვიდა. ამ ეტაპზე, ხელფასი ემატება მხოლოდ იმ პედაგოგებს, ვისაც საგნობრივი გამოცდა აქვთ ჩაბარებული. აქამდე, ე.წ. სერტიფიცირებული მასწავლებლის ხელფასის ნამატი 160 ლარი იყო, ახალი ბრძანებით კი 320 ლარი იქნება“, – გვეუბნება დირექტორი.

მისი განცხადებით, გაზრდილ ხელფასს მის სკოლაში მხოლოდ 40 მასწავლებელი მიიღებს.

„ესენი არიან უფროსი კატეგორიის მასწავლებლები, ანუ ისინი, ვინც საგნობრივი გამოცდა ზაფხულში ან უფრო ადრე ჩააბარა. უფროსი კატეგორიის მასწავლებელზე მაღალი კატეგორიის მასწავლებელი დღევანდელი მონაცემებით სკოლაში არ მყავს“, – აცხადებს მარიზა აბაშიძე.

2017 წლიდან გარკვეული კატეგორიის მასწავლებელთა ხელფასების ზრდის შესახებ ბრძანება საქართველოს განათლებისა და მეცნიერების მინისტრმა ალექსანდრე ჯეჯელავამ, 2016 წლის 30 დეკემბერს გამოსცა.  (ბრძანება №181/ნ).

საქართველოს განათლებისა და მეცნიერების მინისტრის ბრძანება №181/ნ 2016 წლის 30 დეკემბერი ქ. თბილისი

საქართველოს განათლებისა და მეცნიერების მინისტრის
ბრძანება №181/ნ
2016 წლის 30 დეკემბერი
ქ. თბილისი

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com