Batumelebi | აქცია ბათუმში – „რელიგიური განსხვავებულობა გვაახლოვებს“ აქცია ბათუმში – „რელიგიური განსხვავებულობა გვაახლოვებს“ – Batumelebi
RU | GE  

აქცია ბათუმში – „რელიგიური განსხვავებულობა გვაახლოვებს“

29 დეკემბერს ძალადობისგან დაცვის ეროვნული ქსელის წევრი, საქველმოქმედო ორგანიზაცია „იალქანი“ სააქციო საზოგდოება „მეტრო ჯორჯიას“ ხელშეწყობით საყოველთაო აქციას –  „რელიგიური განსხვავებულობა გვაახლოებს“ გეგმავს. აქციის ორგანიზატორის თიკო აბაშიძის განმარტებით, აქციის მიზანია, აჩვენოს საზოგადოებას რომ განსხვავებული აღმსარებლობა, ეროვნულობა და შეხედულებები ადამიანებს ჰარმონიულ ურთიერთობებში ხელს არ უშლის.

„ვაპირებთ დავამზადოთ სტიკერები – „მე ვარ ქრისტიანი“, „მე ვარ მუსლიმი“, „მე ვარ იუდეველი“ და ა.შ, რომელსაც დავიმაგრებთ ქურთუკებზე და გავალთ ქუჩებში.

ყველას, ვინც შეგვხვდება, გავუზიარებთ ჩვენს წინასაახალწლო განწყობას, დავარიგებთ ტკბილეულს და ნაძვის ხის სათამაშოებს“ – გვეუბნება „იალქანის“ ხელმძღვანელი.

29 დეკემბერს მსვლელობა დაიწყება დილით, 11 საათზე, ჭავჭავაძის ქუჩიდან.

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე