25 დეკემბერს მსოფლიოს ქრისტიანთა უმრავლესობა იესო ქრისტეს შობის დღეს ზეიმობს. ქრისტეს შობა აღნიშნეს ბათუმშიც. კათოლიკურ ეკლესიაში ღვთისმსახურების ცერემონია 24 დეკემბერს საღამოს ათ საათზე დაიწყო. ღვთისმსახურება პადრე გაბრიელ ბრაგანტინმა აღავლინა. საშობაო წირვას ჩვენს ქალაქში მყოფი უცხოელი კათოლიკეებიც ესწრებოდნენ.
ბათუმის წმინდა სამების პროტესტანტულ ეკლესიაში კი საშობაო მსახურება დღეს, 25 დეკემბერს, 11:00 საათზე დაიწყო. საშობაო ქადაგების შემდეგ საკვირაო სკოლის ბავშვებმა იგალობეს, წარმოდგენილი იყო საშობაო პერფორმანსიც.
სადღესასწაულო წირვაზე არც ერთ ეკლესიაში ხელისუფლების წარმომადგენლები არც გასულ წელს და არც ამჯერად არ გამოჩენილან.
საქართველოს მართლმადიდებელი ეკლესია შობას ძველი სტილით, 7 იანვარს აღნიშნავს.