აჭარის მთავრობის თავმჯდომარემ ზურაბ პატარაძემ აჭარის ახალი მთავრობის შემადგენლობა დაასახელა.
აჭარის განათლების, კულტურისა და სპორტის მინისტრის პოსტზე მან ინგა შამილიშვილი წარადგინა, ბათუმის შოთა რუსთაველის უნივერსიტეტის პრორექტორი.
აჭარის ჯანმრთელობისა და სოციალური დაცვის მინისტრის პოსტზე მთავრობის თავმჯდომარემ ზაალ მიქელაძის კანდიდატურა წარადგინა.
თანამდებობაზე რჩება აჭარის სოფლის მეურნეობის მინისტრი ლაშა კომახიძე, რომელიც ბოლო წლების მანძილზე გაეროს განვითარების პროგრამის პროექტების მენეჯერი იყო აჭარაში.
არ შეიცვლება არც აჭარის ფინანსთა და ეკონომიკის მინისტრი, ამ პოსტზე რამაზ ბოლქვაძე რჩება, რომელსაც ამავე სამინისტროში მუშაობის რამდენიმეწლიანი გამოცდილება აქვს.
