CRITICAL MASS – ველომსვლელობა ბათუმში [ანონსი]

25 ნოემბერს, 19:30 საათზე ბათუმში ტრადიციული ველომსვლელობა გაიმართება. ორგანიზატორების განმარტებით, „CRITICAL MASS“ ყოველი თვის ბოლო პარასკევს იმართება.

„მსვლელობის მიზანია გავაგებინოთ ავტომობილის მძღოლებს, საზოგადოებას და სამთავრობო სტრუქტურებს, რომ ჩვენ გვჭირდება უსაფრთხო სივრცე გადაადგილებისთვის და მოვითხოვთ ქალაქში ველოსიპედით გადაადგილებისთვის საჭირო ინფრასტრუქტურის მოწყობას.  ასევე, მსვლელობის ერთ-ერთი მიზანია პოპულარიზაცია გავუწიოთ ველოსპორტს და ველოსიპედით გადაადგილებას ქალაქში. ასეთი ტიპის მსვლელობა უკვე ორი წელია მიმდინარეობს, პოლიციის ავტომობილების თანხლებით ხდება უსაფრთხო გადაადგილება, ქალაქის ცენტრალურ ქუჩებში. ველომსვლელობა დაიწყება ანბანის კოშკის მიმდებარე ტერიტორიიდან და გავივლით 10-12 კილომეტრს, რათა მოქალაქეებს ვაჩვენოთ, რომ ველოსიპედი არის მნიშვნელოვანი სატრანსპორტო საშუალება ქალაქში“ – ამბობს ველომსვლელობის ერთ-ერთი ორგანიზატორი ერეკლე ჩიკვაიძე.