დღეს, ბათუმში, გორგილაძის ქუჩის #88- ში სავაჭრო ცენტრი „ბათუმი მოლი“ გაიხსნა. პროექტი პარტნიორებთან ერთად კომპანია „სახლი ბულვარში“-მ განახორციელა.
სავაჭრო მოლში უკვე გახსნილია სხვადასხვა ტიპის და დანიშნულების 50-მდე ბრენდი და გასართობი ობიექტი.
„ბათუმი მოლის“ ტერიტორიაზე ფუნქიონირებს: ჰიპერპერმარკეტი, ტანსაცმლის და ფეხსაცმლის ბრენდული მაღაზიები , პარფიუმერული, სამკაულის და აქსესუარების მაღაზიები, სატრენაჟორო დარბაზი, კაფეები, ბარები და სხვადასხვა გასართობი ობიექტები. სვაჭრო ცენტრის მეოთხესართული მთლიანად ავეჯის მაღაზიებს ეთმობა. მარკეტინგის მენეჯერის ინფრომაციით წლის ბოლოსათვის დაგეგმილია ობიექტების რაოდენობის ზრდა.
„ბათუმი მოლი“ ოთხსართულიანია და 18400 კვ-მ- ფართობს მოიცავს, საიდანაც 12500 კვ.მ. კომერციული ფართია, ხოლო 5900 კვ.მ ავტოსადგომისთვისაა გათვალისწინებული, რომელიც გათვლილია 220 ავტომობილზე. ცენტრის თოთოეულ სართულს აქვს ინდივიდუალური გასასვლელი პარკინგის შესაბამის დონეზე. ცენტრის ყველა სართულს აკავშირებს ლიფტები და ესკალატორები.
სავაჭრო ცენტრის გახსნას დღეს აჭარის მთავრობის თავმჯდომარე ზურაბ პატარაძე, აჭარის უმაღლესი საბჭოს თავმჯდომარე ავთანდილ ბერიძე და მთავრობის სხვა წევრები დაესწრნენ.
აჭარის მთავრობის პრესსამსახურის ინფორმაციით პროექტში 20 მილიონი ლარის ინვესტიცია განხორციელდა.