4 ნოემბერს ბათუმის იუსტიციის სახლის შენობაში მამაკაცმა სასურათე ჯიხურები ჩაქუჩით დააზიანა.
ფაქტს იუსტიციის სახლის პრესსამსახურში ადასტურებენ: “მოქალაქემ აგრესიული ქმედება გამოავლინა, დააკავეს ჩვენთან და შესაბამისი სამსახურების მიერ გამოძიება მიმდინარეობს. იმედია, სახელმწიფო ქონების დაზიანებით გამოწვეული ზარალი ანაზღაურდება”.
სულ ოთხი ჯიხურის შუშებია ჩამტვრეული.
როგორც იუსტიციის სახლში განმარტავენ, ინციდენტს სამუშაო პროცესების შეფერხება არ მოჰყოლია.
მედიაში გავრცელდა ინფორმაცია, თითქოს მოქალაქის პროტესტი ID ბარათში სამი ექვსიანის არსებობას უკავშირდებოდა, თუმცა იქ მომუშავეების თქმით, ეს ინფორმაცია არ შეესაბამება სინამდვილეს, რადგან თავდამსხმელი საკონსულტაციოში არ მისულა და პირადობის დამზადება არ მოუთხოვია.
