შინაგან საქმეთა სამინისტროს ვერსიით, ხელვაჩაურში და-ძმა, დარია და ტარიელ ფარტენაძეები, გაყინვით გარდაიცვალნენ.
„პირველადი ინფორმაციით, და-ძმის გარდაცვალება გამოიწვია სხეულის გადაციებამ, მოყინვამ.
გარეგანი დათვალიერებით არ აღენიშნებათ სიცოცხლისთვის სახიფათო დაზიანებები.
დანიშნულია შესაბამისი ექსპერტიზა და სიკვდილის ზუსტი მიზეზი დადგინდება ექსპერტიზის დასრულების შემდეგ,” – უთხრეს “ბათუმელებს” შინაგან საქმეთა სამინისტროში.
ხელვაჩაურში, სოფელ აჭარისაღმართში ორი გარდაცვლილი პირი გუშინ, 26 იანვარს იპოვეს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
ამავე თემაზე:
