Batumelebi | „ჰელოუვინი“ და მისი ალტერნატივა ბათუმში „ჰელოუვინი“ და მისი ალტერნატივა ბათუმში – Batumelebi
RU | GE  

„ჰელოუვინი“ და მისი ალტერნატივა ბათუმში

Halloween -ი კოსტიუმირებული წვეულებაა, რომელიც 31 ოქტომბრის ღამეს აღინიშნება. დღესასწაული ძირითადად დასავლეთშია გავრცელებული, თუმცა ევროპის რამდენიმე ქვეყანაშიც აღნიშნავენ.  ჰელოუინთან არის დაკავშირებული  განათებული გოგრებიც, რომელსაც  პირი, თვალები და ცხვირი აქვს ამოჭრილი.  წვეულების მონაწილეები სახეს იხატავენ და მათთვის სასურველი პერსონაჟების კოსტიუმებს იცვამენ. სხვადასხვა წყაროს ცნობით, „ჰელოუვინი“ უძველესი დღესასწაულია, რომელიც ძველი კელტების ტრადიციიდან მოდის და მასში ბოროტი სულების შელოცვისა და მათი განდევნის შინაარსია ჩადებული.

„ჰელოუვინი“ ბათუმში. ბარი „error 404“ -ში

„ჰელოუვინი“ ბათუმში.
ბარი „error 404“ -ში

„ჰელოუვინის“ აღნიშვნის ტრადიცია საქართველოშიც იკიდებს ფეხს. მართლმადიდებელი ეკლესია მის წევრებს ურჩევს რომ არ აღნიშნონ ეს დღესასწაული, რადგან ის ქრისტიანობას არ უკავშირდება. თუმცა, გარკვეულ წრეებში, განსაკუთრებით ახალგაზრდებში კოსტიუმირებული წვეულება მაინც პოპულარული ხდება.

„ჰელოვინი“ ბათუმში. ბარი „ერრორ 404“.

„ჰელოვინი“ ბათუმში.
ბარი „ერრორ 404“.

რესტორან „დელირიაში“  გვეუბნებიან, რომ წელს პირველად, „ჰელოუვინის“ ალტერნატიული წვეულების, – „ხაპლუინის“  გამართვას აპირებენ და მას ტრადიციული სახე ექნება. „რაც ეს რესტორანი გავხსენი, სულ მეკითხებოდნენ, გაიმართება თუ არა თქვენთან „ჰელოუვინი“ რომ მაგიდები დავჯაშნოთო.

კაფე „დელირია“ / ხაპლუინი. ფოტო: თორნიკე თავაძე

კაფე „დელირია“ / ხაპლუინი.
ფოტო: თორნიკე თავაძე

კაფე „დელირია“ / ხაპლუინი. ფოტო: თორნიკე თავაძე

კაფე „დელირია“ / ხაპლუინი.
ფოტო: თორნიკე თავაძე

ვერ ჩამოვყალიბდით, გაგვეკეთინა თუ არა „ჰელოუვინი“, რადგან ჯერ ახალი გახსნილი ვართ და სახელიც რაღაც ტრივიალური მეჩვენა. არც ჩვენი დღესასწაულია, ამიტომ გადავწყვიტეთ ხაპები ამოგვეჭრა, გაგვეფორმებინა, შემოდგომის ნობათიც მიგვეწყო გვერდზე და „ხაპლუინი“ მოგვეწყო. ანუ გოგრების ფესტივალივით. დღეს გვექნება გოგრის კექსი სტუმრებისთვის უფასოდ და ცოცხალი მუსიკა“- გვეუბნება რესტორნის მეპატრონე ნინო გაბუნია.

კაფე „დელირია“ / ხაპლუინი. ფოტო: თორნიკე თავაძე

კაფე „დელირია“ / ხაპლუინი.
ფოტო: თორნიკე თავაძე

ნინო გაბინიას თქმთ, „ხაპლუინზე“ მისულ სტუმრებს სახეს რესტორანში მოუხატავენ. „მხატვრები მოვიწვიეთ. თუ ამინდი მოგვცემს საშუალებას კოცონსაც ავანთებთ.“

კაფე „დელირია“ / ხაპლუინი. ფოტო: თორნიკე თავაძე

კაფე „დელირია“ / ხაპლუინი.
ფოტო: თორნიკე თავაძე

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com