აჭარის უმაღლესი საარჩევნო კომისიის ინფორმაციით, დახურულია აჭარაში მდებარე 348-ვე უბანი და მიმდინარეობს ხმის დათვლის პროცესი. უბნების დახურვისას, ხელვაჩაურის ოლქში სამ უბანზე გაითიშა ელექტროენერგია, დაახლოებით 10 წუთით, თუმცა, უსკოს განცხადებით, პრობლემა არ შექმნილა.
უსკოს ინფორმაციით, 30 ოქტომბერს საკუთარი არჩევანი დააფიქსირა უბანზე მისულმა 114 202 ამომრჩეველმა, რაც აჭარაში ამომრჩეველთა საერთო რაოდენობის, ანუ 308 576-ის 37% პროცენტია. ეს მაჩვენებელი 8 ოქტომბრის არჩევნებზე დაფიქსირებულ აქტივობაზე 15 პროცენტით ნაკლებია. არჩევნების პირველ ტურში ამომრჩეველთა აქტივობა 52,97% იყო.
უსკოს ინფორმაციით, ამომრჩეველთა აქტივობა ოლქების მიხედვით ასე გამოიყურება: ბათუმის N79 ოლქი (68,69,70) – 50 847 ამომრჩეველი, 31.98 % ქობულეთის N71 მაჟორიტარული ოლქი- 20 117 ამომრჩეველი, 40.78 % ხელვაჩაურის N72 მაჟორიტარული ოლქი- 18 320 ამომრჩეველი, 38 07% ხულოს N73 მაჟორიტარული ოლქი (ხულო,ქედა,შუახევი)- 24 918 ამომრჩეველი, 47.79%.
აჭარის მასშტაბით უბნებზე დაწერილია დაახლოებით 40 საჩივარი, ოლქებში კი – 15.
