ევროპარლამენტის ვიცე-პრეზიდენტი პინა პიჩერნო პატიმრობაში მყოფი ჟურნალისტისა და მედიამენეჯერის, მზია ამაღლობელის შესახებ მიმართვას ავრცელებს.
„მივიღე ღრმად შემაშფოთებელი ცნობა, რომ საქართველოში დაპატიმრებული ჟურნალისტისა და სახაროვის პრემიის ლაურეატის, მზია ამაღლობელის მხედველობა დრამატულად გაუარესდა: დღეისთვის მას ერთ თვალში მხოლოდ 1 პროცენტი მხედველობა აქვს, ხოლო მეორეში – 10%.
პენიტენციური სისტემის მიერ ჩატარებული კვლევები ადასტურებს შეუქცევად გაუარესებას.
სასწრაფოდ მივმართავ საქართველოს ხელისუფლებას, გაათავისუფლონ იგი სანამ გვიანი არ არის მისი დარჩენილი მხედველობის საზღვარგარეთ მკურნალობის გზით შენარჩუნების მცდელობა,“ – ნათქვამია პინა პიჩერნოს განცხადებაში, რომელსაც ის პლატფორმა X-ზე აქვეყნებს და შალვა პაპუაშვილსა და ირაკლი კობახიძეს ნიშნავს.
Ho appreso con profonda preoccupazione che le condizioni visive di Mzia Amaglobeli, giornalista e Premio Sakharov incarcerata in Georgia, sono peggiorate in modo drammatico: oggi conserva appena l’1% della vista in un occhio e il 10% nell’altro.
Gli esami medici del sistema… pic.twitter.com/KweVZQX2i2
— Pina Picierno (@pinapic) October 25, 2025
მზია ამაღლობელის მხედველობის გაუარესების შესახებ ინფორმაცია მისმა ადვოკატმა მაია მწარიაშვილმა ჯერ კიდევ სასამართლო პროცესის მიმდინარეობისას გაავრცელა.
მაია მწარიაშვილის თქმით, რომელიც ეყრდნობოდა პენიტენციური დაწესებულების მიერ ჩატარებულ სამედიცინო კვლევას, ციხეში მზია ამაღლობელის მხედველობის მდგომარეობა დრამატულად გაუარესდა. მან ფაქტობრივად დაკარგა მხედველობა ერთ თვალში, მეორეში კი მხოლოდ 10% დარჩა.
ამავე თემაზე:
მზია ამაღლობელის მხედველობა გაუარესდა ბოლო კვლევის თანახმად – ადვოკატი
