Batumelebi | სასჯელი სასტიკი მკვლელობისთვის სასჯელი სასტიკი მკვლელობისთვის – Batumelebi
RU | GE  

სასჯელი სასტიკი მკვლელობისთვის

სასჯელი-სასტიკი-მკვლელობ

2011 წლის 3 დეკემბერს ქობულეთის რაიონის ერთ-ერთ სოფელში მკვლელობა მოხდა. მოქალაქე X-მა მეორე დღესვე დანაშაული აღიარა. იგი ნათესაურ კავშირში იმყოფებოდა მოკლულ 46 წლის Y-თან. მკვლელობის საქმეში ფიგურირებდა ქალი, რომლის არასასურველ ორსულობას მხარეები დანაშაულის ჩადენის მიზეზად ასახელებენ და რომელიც დაზარალებულისა და მკვლელის ოჯახის წევრია.

ბათუმის საქალაქო სასამართლომ მკვლელობაში ეჭვმიტანლი X წელს, 20 მარტს გაასამართლა. ეჭვმიტანილმა, რომელმაც დანაშაული აღიარა, სასამართლოს უთხრა, რომ მან ჩაიდინა განზრახ მკვლელობა, მაგრამ ამ დანაშაულის განსაკუთრებული სისასტიკით ჩადენისა და მრავლობითი ჭრილობის მიყენებით, მას გარდაცვილისთვის განსაკუთრებული ტკივილისა და ტანჯვის მიყენების განზრახვა არ ჰქონია.
სასამართლოსთვის მიცემულ ჩვენებაში განსასჯელი X დეტალურად მოყვა, მოქნეული ცული როგორ ჩაარტყა Y-ს თხემის არეში, შემდეგ შუბლის არეში. ბოლოს ხანჯალი გამოუსვა, რის შემდეგაც მომაკვდავი ხმადაბლა ძახილით უხმობდა მშველელს. X-მა ხანჯალი მომაკვდავს რამდენჯერმე მუცლის არეშიც ჩაარტყა.
სასამართლო გადაწყვეტილებაში წერია, რომ მკვლელობა ა.ჩ.-მ ჩაიდინა განზრახ და განსაკუთრებული სისასტიკით. განსასჯელს 18 წლით პატიმრობა მიესაჯა.

მკვლელობიდან რამდენიმე დღეში თბილისის ერთ-ერთ კლინიკაში გარდაიცვალა არასასურველი ორსულობის შედეგად გაჩენილი ახალშობილიც.

„გაზეთი ბათუმელები“

2011 წლის 3 დეკემბერს ქობულეთის რაიონის ერთ-ერთ სოფელში მკვლელობა მოხდა. მოქალაქე X-მა მეორე დღესვე დანაშაული აღიარა. იგი ნათესაურ კავშირში იმყოფებოდა მოკლულ 46 წლის Y-თან. მკვლელობის საქმეში ფიგურირებდა ქალი, რომლის არასასურველ ორსულობას მხარეები დანაშაულის ჩადენის მიზეზად ასახელებენ და რომელიც დაზარალებულისა და მკვლელის ოჯახის წევრია.

ბათუმის საქალაქო სასამართლომ მკვლელობაში ეჭვმიტანლი X წელს, 20 მარტს გაასამართლა. ეჭვმიტანილმა, რომელმაც დანაშაული აღიარა, სასამართლოს უთხრა, რომ მან ჩაიდინა განზრახ მკვლელობა, მაგრამ ამ დანაშაულის განსაკუთრებული სისასტიკით ჩადენისა და მრავლობითი ჭრილობის მიყენებით, მას გარდაცვილისთვის განსაკუთრებული ტკივილისა და ტანჯვის მიყენების განზრახვა არ ჰქონია.
სასამართლოსთვის მიცემულ ჩვენებაში განსასჯელი X დეტალურად მოყვა, მოქნეული ცული როგორ ჩაარტყა Y-ს თხემის არეში, შემდეგ შუბლის არეში. ბოლოს ხანჯალი გამოუსვა, რის შემდეგაც მომაკვდავი ხმადაბლა ძახილით უხმობდა მშველელს. X-მა ხანჯალი მომაკვდავს რამდენჯერმე მუცლის არეშიც ჩაარტყა.
სასამართლო გადაწყვეტილებაში წერია, რომ მკვლელობა ა.ჩ.-მ ჩაიდინა განზრახ და განსაკუთრებული სისასტიკით. განსასჯელს 18 წლით პატიმრობა მიესაჯა.

მკვლელობიდან რამდენიმე დღეში თბილისის ერთ-ერთ კლინიკაში გარდაიცვალა არასასურველი ორსულობის შედეგად გაჩენილი ახალშობილიც.

„გაზეთი ბათუმელები“

ნეტგაზეთის მასალების სხვა გამოცემებში გადაბეჭდვის წესი
netgazeti.ge