Batumelebi | შშმ პირებისთვის ბათუმში საარჩევნო უბნები არასრულადაა ადაპტირებული შშმ პირებისთვის ბათუმში საარჩევნო უბნები არასრულადაა ადაპტირებული – Batumelebi
RU | GE  

შშმ პირებისთვის ბათუმში საარჩევნო უბნები არასრულადაა ადაპტირებული

ბათუმში საარჩევნო უბნები შეზღუდული შესაძლებლობის მქონე პირებისათვის არასრულადაა ადაპტირებული – ამის შესახებ ფეისბუქში თომა კაკაბაძემ დაწერა, ორგანიზაცია „ცვლილებები თანაბარი უფლებებისთვის” ხელმძღვანელმა.

“მიუხედავად დაპირებებისა, საარჩევნო უბნები იქნებოდა ადაპტირებული, რეალობა აბსოლუტურად სხვა დამხვდა.  ფაქტობრივად, ამიტანეს და შემიტანეს საარჩევნო უბანში. არც კაბინა იყო საჭიროებაზე მორგებული (მაღალი იყო) და პანდუსზე საერთოდ აღარაფერს ვამბობ,” – წერს თომა კაკაბაძე.

ფაქტის დამადასტურებელი ფოტო „ბათუმელებმაც” გადაიღო, # 54 უბანზე პანდუსი მხოლოდ შენობის შესასვლელში იყო, თუმცა არა შენობაში.

 

pandusi

კიბე პანდუსის გარეშე

კიბე პანდუსის გარეშე

გაეროს შეზღუდული შესაძლებლობის მქონე პირთა უფლებების კონვენციის (UNCRPD) 29–ე მუხლის თანახმად, ყველა შეზღუდული შესაძლებლობის მქონე პირს აქვს უფლება იყოს აღიარებული სამართლის სუბიექტად, რაც შესაძლებლობას მისცემს მიიღოს მონაწილეობა არჩევნებში. საქართველომ კონვენციის რატიფიცირება 2013 წელს მოახდინა, შესაბამისიად, ვალდებულია უზრუნველყოს საარჩევნო გარემოს ინკლუზიურობა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com