მთავარი,სიახლეები

უსკოს შემაჯამებელი ბრიფინგი

07.10.2016 • 1490
უსკოს შემაჯამებელი ბრიფინგი

8 ოქტომბერს, საქართველოს პარლამენტის არჩევნების პარალელურად აჭარის ა.რ. უმაღლესი საბჭოს არჩევნებიც იმართება. მოქალაქეები აირჩევენ უმაღლესი საბჭოს 21 დეპუტატს: 6-ს მაჟორიტარული წესით, ხოლო 15-ს პროპორციული სიით. ცოტა ხნის წინ, უსკო-მ საარჩევნოდ მზადების პროცესი შეაჯამა და გამოაცხადა, რომ არჩევნებისთვის, უსკოში დამკვირვებლის სტატუსით  7 ადგილობრივი და 1 საერთაშორისო ორგანიზაციის წარმომადგენლები არიან დარეგისტრირებული. ასევე, აკრედიტებული არიან ჟურნალისტები 16 მედია საშუალებიდან.

არჩევნებში მონაწილეობს 15 საარჩევნო სუბიექტი, 76 მაჟორიტარობის კანდიდატი.

აჭარაში, უბანზე მისული ამომრჩეველი 4 ბიულეტენს მიიღებს: მწვანე და ყვითელი – აჭარის ა.რ უმაღლესი საბჭოს არჩევნებისათვის, ცისფერი და ვარდისფერი – საქართველოს პარლამენტის მაჟორიტარული და პროპორციული არჩევნებისთვის.

ხვალ, დილის 7 საათიდან აჭარაში, გაიხსნება 348 უბანი (მათ შორის 1 სპეც უბანი).

უსკოს მონაცემებით, რეგიონში ამომრჩეველთა რაოდენობა 2016 წლის 1 ოქტომბრის მდგომარეობით არის 308 506.

აჭარის ა.რ. უმაღლესი საბჭოს არჩევნებისთვის დაიბეჭდა:

პროპორციული წესით ჩასატარებელი არჩევნებისთვის- 292 700 ცალი ბიულეტენი;
მაჟორიტარული წესით ჩასატარებელი არჩევნებისთვის – 292 700 ცალი ბიულეტენი.

გადაბეჭდვის წესი


ასევე: