Batumelebi | ცესკო: 8 ოქტომბრისთვის 7 446 850 ბიულეტენი დაიბეჭდება ცესკო: 8 ოქტომბრისთვის 7 446 850 ბიულეტენი დაიბეჭდება – Batumelebi

ცესკო: 8 ოქტომბრისთვის 7 446 850 ბიულეტენი დაიბეჭდება

ცენტრალურმა საარჩევნო კომისიამ 2016 წლის 8 ოქტომბრის არჩევნებისთვის საარჩევნო ბიულეტენების ბეჭდვა 2 ოქტომბერს დაიწყო. ცესკოს ინფორმაციით, „ბეჭდვის პროცესი თბილისის 8 სტამბაში მიმდინარეობს, რომელსაც როგორც ცენტრალური საარჩევნო კომისიის წევრები, ასევე არასამთავრობო ორგანიზაციების წარმომადგენლები აკვირდებიან. 8 ოქტომბრის არჩევნებისთვის საერთო ჯამში 7 446 850 ბიულეტენი დაიბეჭდება.

2016 წლის საქართველოს პარლამენტის არჩევნებისთვის იბეჭდება:

  • პროპორციული წესით ჩასატარებელი არჩევნებისთვის – 3 286 200 ბიულეტენი;
  • მაჟორიტარული წესით ჩასატარებელი არჩევნებისთვის – 3 234 950 ბიულეტენი.

აჭარის ავტონომიური რესპუბლიკის უმაღლესი საბჭოს არჩევნებისთვის იბეჭდება:

  • პროპორციული წესით ჩასატარებელი არჩევნებისთვის – 292 700 ბიულეტენი;
  • მაჟორიტარული წესით ჩასატარებელი არჩევნებისთვის – 292 700 ბიულეტენი.

ბიულეტენები ასევე იბეჭდება ეთნიკური უმცირესობების ენებზე: სომხურ-ქართული, აზერბაიჯანულ-ქართული და სომხურ-ქართულ-აზერბაიჯანული.

თბილისის, წალკის, ჭიათურის, აბაშისა და ზუგდიდის მუნიციპალიტეტების საკრებულოების 8 ოქტომბრის შუალედური არჩევნებისთვის იბეჭდება 123 500 ბიულეტენი.

თვითმმართველი ქალაქის ახალციხის მერის რიგგარეშე არჩევნებისთვის 13 950 ბიულეტენი იბეჭდება, ხოლო თვითმმართველი თემების ბოლნისის, ხარაგაულის, ჭიათურის, ზუგდიდისა და წალენჯიხის მუნიციპალიტეტების გამგებლების რიგგარეშე არჩევნებისთვის – 123 500.

ბიულეტენების ბეჭდვის პროცესი 6 ოქტომბერს დასრულდება“.

უმაღლესი საარჩევნო კომისიის ინფორმაციით აჭარაში 308 506 ამომრჩეველია რეგისტრირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com