„მინდა მადლობა ვუთხრა ჩამოსულებს ჩემი საბას მხარდაჭერისთვის. ზუგდიდელებს მადლობა ვუთხრა. ჩემი შვილი უდანაშაულოა, კარგი აღზრდილია ჩემი საბა. საუკეთესო საბა მყავდა. სამი წლიდან გავზარდე საუკეთესო ბავშვი. იმის ადგილი ნამდვილად არ არის იქ – იქ არის აი, ბანდიტების ადგილი. ჩემი საბასნაირები არ უნდა იჯდეს იქ და ყველა სინდისის პატიმრები“, – განაცხადა დღეს საბა ჯიქიას ბებიამ, მარინე ლაგვილავამ.
სწორედ საბა ჯიქიას მშობლიურ ქალაქში, ზუგდიდში გაიმართა დღეს 19 წლის პოლიტპატიმრის მხარდამჭერ აქცია.
„მე სამი წელი ვმუშაობდი „ოცნების“ კოორდინატორად. საბამ პირველად რომ დამირეკა იქიდან [ციხიდან] მითხრა – ბებო, შენმა “ოცნებამ” დამიჭირაო. მე ბოდიში მოვუხადე და დღესაც ვუხდი ჩემს საბას ბოდიშს, რომ ვერაფერი ვქენი ჩემი საბასთვის. აწი, “ოცნებისკენ” არც გავიხედავ არასდროს“
თავისუფლება ჩემ საბუკას და სინდისის პატიმრებს. მე ისე მენატრება. მე საუკეთესოდ გავზარდე, მაგრამ როგორი ყოფილა მისი ბედი. ძალიან მიყვარხარ საბა, მიყვარხარ ბებია. თავისუფლებას გისურვებ შენ და შენს კარგ მეგობრებს“, – აცხადებს პოლიტპატიმრის ბებია.
