Batumelebi | „სახელმწიფო ხალხისთვის“ ბრიფინგი კორუფციულ გარიგებაზე „სახელმწიფო ხალხისთვის“ ბრიფინგი კორუფციულ გარიგებაზე – Batumelebi
RU | GE  

„სახელმწიფო ხალხისთვის“ ბრიფინგი კორუფციულ გარიგებაზე

პაატა ბურჭულაძის პარტიის „სახელმწიფო ხალხისთვის“ ბათუმის ორგანიზაცია სახელმწიფო ორგანიზაციებსა და ფარმაცევტულ კომპანიებს გარიგებაში ადანაშაულებს. პარტიის წევრების ინფორმაციით, სახელმწიფო ორგანიზაციებთან გარიგებების შედეგად კონკრეტული ფარმაცევტული კომპანია იგებს ტენდერებს, რომლის უკანაც ხელისუფლებასთან დაახლოებული პირები დგანან.

„… არავინ არ საუბრობს იმ ჩრდილოვან მხარეებზე, რაც ახლავს საყოველთაო ჯანდაცვის პროგრამას. საქმე ეხება მედიკამენტების შესყიდვა გამოყენების გზით დანაშაულებრივი სქემის გამოყენებას, რაც ელიტარულ კორუფციაზე გადის. ამაში ჩართულები არიან ჯანდაცვის სამინისტროს მაღალი რანგის მოხელეები. ფარმაცევტული კომპანიების მფლობელებთან გარიგებაში შედის მმართველი პარტია, რომელიც დაფინანსების სახით იღებს საკმაოდ სოლიდურ თანხას. კონკრეტული ჩინოვნიკები კი საკუთარ ჯიბეში იდებენ თანხას. ჩვენ გვაქვს მტკიცებულება და ეს მტკიცებულება არის რეესტრის გვერდზე ატვირთული, გვაქვს ასევე დოკუმენტები, რომლებიც სატენდერო მონაცემებს ასახავს, სადაც შავით თეთრზე წერია, რომ პრაქტიკულად წინა სატენდერო პერიოდში იდება უხეში კანონსაწინააღმდეგო გარიგებები. ამ გარიგეგების საშუალებით მონოპოლისტურ ფარმაცევტულ კომპანიებს ეძლევათ დიდი რესურსი იმისთვის, რომ ფულის ბრუნვა მოახდინონ. შემდეგ ამოღებული ფული გაათეთრონ. აქედან ხდება ასევე სოლიდური თანხების მიმართვა დამფინანსებლებისთვის, რომ სასათბურე პირობებში იმყოფებოდნენ შემდეგომ წლების განმავლობაში“, – ამბობს პარტიის მაჟორიტარობის კანდიდატი ბათუმის 69-ე საარჩევნო ოლქში ნინო ტავლალაშვილი.

პარტიის ოფისში დღეს შპს „ფარმა“, შპს „ჯი ემ პი“ და შპს „აფთიაქი“ დაასახელეს. მათივე ინფორმაციით, ამ კოპანიების უკან „ქართული ოცნების “ მაჟორიტარობის კანდიდატი კახა ოქრიაშვილი და მისი ოჯახი დგას, რომლებმაც “ქართულ ოცნებას” წინასააწრჩევნოდ 120 000 ლარი შეწირეს.

ნეტგაზეთის მასალების სხვა გამოცემებში გადაბეჭდვის წესი
ავტორი