შინაგან საქმეთა მინისტრად დღეს, 28 მაისს, გელა გელაძე დაინიშნა. მას ძალოვან უწყებებში მუშაობის გამოცდილება „ნაციონალური მოძრაობის“ ხელისუფლების ყოფნის დროიდან აქვს.
გელა გელაძე ამ დრომდე სუსის უფროსის მოადგილე იყო. ამ პოსტზე გელაძე სუსის უფროსმა, ანრი ოხანაშვილმა წარადგინა 2025 წლის 5 აპრილს.
2023 – 2024 წლებში კი გელა გელაძე განათლების მინისტრის პირველ მოადგილედ მუშაობდა.
2018-2023 წლებში გელა გელაძე მანდატურის სამსახურის უფროსი იყო.
გელა გელაძე მანდატურის სამსახურში „ნაციონალური მოძრაობის“ ხელისუფლებაში ყოფნის დროსაც მუშაობდა – 2010 – 2012 წლებში იგი მანდატურის სამსახურის უფროსის მოადგილე იყო, მანამდე კი გელა გელაძე ძალოვან უწყებებში მუშაობდა, მაგალითად, 2004-2005 წლებში გელა გელაძე სპეციალური ოპერატიული დეპარტამენტის – სოდის განსაკუთრებით მნიშვნელოვან საქმეთა უფროს გამომძიებლად მუშაობდა.
2004 წელს გელა გელაძე შსს-ს დიდუბე-ჩუღურეთის საგამოძიებო სამსახურის გამომძიებელი იყო, 2005-2006 წლებში გელა გელაძე კრიმინალურ პოლიციაში მუშაობდა.
რა ქონებას ფლობდა გელა გელაძე 2023 წელს შევსებული დეკლარაციის მიხედვით, შეგიძლიათ ნახოთ აქ.
ამ თემაზე:
პოლიციიდან განათლებაში – მინისტრის მოადგილის ქონება და შვილები კერძო სკოლაში
