ბათუმის მერის მოადგილემ ლელა სურმანიძემ თანამდებობა დატოვა. ცვლილება დღეს, 13 მაისს მოხდა, მას შემდეგ რაც თანამდებობიდან გადადგა ბათუმის არჩეული მერი არჩილ ჩიქოვანი.
ლელა სურმანიძე ბათუმის მერიის მოადგილედ 2017 წელს დანიშნა მაშინდელმა მერმა, ლაშა კომახიძემ. ის მერიაში აჭარის ჯანდაცვის სამინისტროდან მივიდა და წლების განმავლობაში სოციალურ საკითხებს კურირებდა.
ლელა სურმანიძემ პოსტი შეინარჩუნა მას შემდეგაც რაც ბათუმის მერი არჩილ ჩიქოვანი გახდა და მერის მოადგილედ მუშაობდა დღემდე.
დღეს, 13 მაისს კი ცნობილი გახდა, რომ მან თანამდებობა დატოვა და უკან, ჯანდაცვის სამინისტროში დაბრუნდა, ჯანდაცვის მინისტრის მოადგილედ.
ამავე თემაზე:
ვინ არის გიორგი მურვანიძე, ვის დანიშვნასაც ბათუმის მერის მოვალეობის შემსრულებლად აპირებენ
