19 მარტის ღამეს რუსეთის შეიარაღებული ძალები უკრაინას თავს დაესხა ბალისტიკური რაკეტებითა და 145 „შაჰედის“ დრონით, მათგან 45 დრონის სამიზნე იყო კიევის რეგიონი.
ამის შესახებ უკრაინული გამოცემა, „უკრაინსკა პრავდა“ წერს საჰაერო ძალების სარდლობაზე დაყრდნობით.
უკრაინული მხარის ცნობით, საჰაერო თავდაცვამ ჩამოაგდო 72 დრონი.
მედიის ცნობით, სუმსა და კრასნოპოლში დრონი საავადმყოფოს შენობას მოხვდა, საჭირო გახდა პაციენტებისა და სამედიცინო პერსონალის ევაკუაცია.
აშშ-ისა და რუსეთის პრეზიდენტებს შორის სატელეფონო საუბარი გუშინ, 18 მარტს შედგა. ოფიციალური ცნობებით, ტრამპი და პუტინი შეთანხმდნენ, რომ სამშვიდობო მოლაპარაკებები რუსეთ-უკრაინის ომზე „დაუყოვნებლივ უნდა დაიწყოს“. ასევე, ტრამპთან საუბარში პუტინმა უარყო 30-დღიანი ცეცხლის შეწყვეტის იდეა, მაგრამ სანაცვლოდ დათანხმდა უკრაინის ენერგეტიკულ ინფრასტრუქტურაზე თავდასხმებისგან თავის შეკავებაზე, თუმცა რუსეთმა ამ საუბრიდან რამდენიმე საათში განახორციელა მასობრივი შეტევაზე უკრაინაზე.
___________
ფოტო: კიევის პოლიცია ტელეგრამზე
