დღეს, 12 მარტს, მოსამართლე სალიხ შაინიძემ 5 ათასი ლარით დააჯარიმა ელენე ხოშტარია, პარტია „დროას“ ლიდერი.
ელენე ხოშტარია ბათუმში 12 იანვრის საპროტესტო აქციაზემ აჭარის მთავრობის ადმინისტრაციული შენობის წინ დააკავეს. ის ხელწერილით იმავე დღეს გაათავისუფლეს.
ბათუმში 11 და 12 იანვარს სულ 20 ადამიანი დააკავეს, მათ შორის, სისხლის სამართლის წესით დააკავეს ჟურნალისტი და მედიამენეჯერი მზია ამაღლობელი, რომელიც ამ დრომდე უკანონო პატიმრობაში რჩება.
ელენე ხოშტარიას შსს პოლიციელების შეურაცხყოფას ედავებოდა – ასკ-ის 173-ე მუხლი, ასევე, შეკრების წესის დარღვევას ადმინისტრაციული შენობის წინ.
„ცდილობდა ადმინისტრაციული შენობის ბლოკირებას,“- უთხრა მოსამართლეს ერთადერთი მოწმის სახით სასამართლოში დაბარებულმა პოლიციელმა.
სასამართლო სხდომას არ დასწრებია ელენე ხოშტარია და არც მისი რომელიმე ადვოკატი.
შსს-ს წარმომადგენელი მარიამ კერესელიძე ამ საქმეზე ელენე ხოშტარიას დაპატიმრებას ითხოვდა იმ მოტივით, რომ ელენე ხოშტარიას სამართალდარღვევის ჩადენა სხვა საქმეებზეც დაუდასტურდა.
