ბათუმში გაზის მიწოდება ეტაპობრივად მიმდინარეობს და 13 მარტს დღის ბოლომდე დასრულდება – უთხრეს „ბათუმელებს“ კომპანია „სოკარ ჯორჯია გაზში“.
გაზის მიწოდება გუშინ, 11 მარტს შეწყდა.
„გაზის მიწოდება გუშინ საღამოს დავიწყეთ და ეტაპობრივად გრძელდება. ვვარაუდობთ, რომ ხვალ, დღის ბოლომდე გაზის მიწოდება ყველა აბონენტს სრულად აღუდგება. რაც შეეხება დაზიანებას – აღმოფხვრილია“ – განაცხადეს დღეს, 12 მარტს „სოკარში“.
„სოკარის“ ცხელ ხაზზე „ბათუმელებს“ უთხრეს, რომ კონკრეტული გრაფიკი, თუ რომელ უბანში როდის ჩაირთვება გაზი, არ აქვთ, თუმცა „აბონენტებს მიღებული აქვთ ტექსტური შეტყობინებები და დამატებით, გაზის ჩართვის შესახებ მოსახლეობას მობილური ჯგუფები გააგებინებს – გამოაცხადებენ, რომ იწყება გაზის მიწოდება და ყურადღება მიაქციონ გაზის დანადგარებს“.
„საქართველოს გაზის ტრანსპორტირების კომპანიის“ განცხადებით, 11 მარტს გაზის მიწოდება, ქობულეთის ტერიტორიაზე „აღმოჩენილი გაჟონვის სალიკვიდაციო სამუშაოების“ გამო შეწყდა:
აჭარასა და გურიაში გაზის შეწყვეტაზე „გაზის ტრანსპორტირების კომპანია“ განცხადებას ავრცელებს
