ბათუმში, ბაგრატიონისა და ჯავახიშვილის ქუჩების კვეთასთან წუხელ, გვიან ღამით, ავარია მოხდა. ერთმანეთს ორი მსუბუქი ავტომობილი შეეჯახა.
როგორც “ბათუმელებს” შინაგან საქმეთა სამინისტროში უთხრეს, ავტოავარიის შედეგად დაიღუპა ერთ-ერთ ავტომობილში მყოფი ახალგაზრდა ქალი.
შსს-ს ცნობით დაკავებულია მეორე ავტომობილის მძღოლი.
მომხდარ ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
