Batumelebi | „თოფაძე-მრეწველები, ჩვენი სამშობლო“ აქციებით იმუქრება „თოფაძე-მრეწველები, ჩვენი სამშობლო“ აქციებით იმუქრება – Batumelebi
RU | GE  

„თოფაძე-მრეწველები, ჩვენი სამშობლო“ აქციებით იმუქრება

დღეს, 12  სექტემბერს,  პარტია  „ჩვენი სამშობლოს“ წარმომადგენელმა ნინო კვირიკავშილმა, რომელიც   საარჩევნო ბლოკ „თოფაძე -მრეწველებთან“ ერთად იღებდა არჩევნებში მონაწილეობას,  ჟურნალისტებთან შეხვედრის დროს განაცხადა, რომ საქართველოს ცენტრალური საარჩევნო კომისიის გადაწყვეტილება,  ბლოკის საარჩევნო რეგისტრაციის გაუქმების შესახებ,  სასამართლოში გაასაჩივრეს.

„ცესკოს გადაწყვეტილება – ჩვენი  პარტიისთვის საარჩევნო რეგისტრაციის გაუქმება – არასამართლიანი და დისკრიმინაციულია“  – ამბობს  ნინო კვირიკაძე, რომელსაც ამ პარტიის სახელით ბათუმის 68-ე ოლქში მაჟორიტარობის კანდიდატად უნდა ეყარა კენჭი, საქართველოს პარლამენტში.

იმ შემთხვევაში, თუ სასამართლო არ დააკმაყოფილებს მოსარჩელეთა მოთხოვნებს, ნინო კვირიკაძე ამბობს, რომ ისინი  საპროტესტო აქციებს  მიმართავენ.

ბლოკი “თოფაძე – მრეწველები, ჩვენი სამშობლო” [გაერთიანებული პოლიტიკური პარტიები: “თოფაძე – მრეწველები“, “ჩვენი სამშობლო”], რჩება რეგისტრაციაში აჭარის უმაღლესი საბჭოს არჩევნებისთვის.

ნეტგაზეთის მასალების სხვა გამოცემებში გადაბეჭდვის წესი
როინ გუნდაძე