დღეს, 24 იანვარს, ბათუმში, ბონი-გოროდოკის უბანში პოლიციაა მობილიზებული. თვითმხილველების თქმით, ამ უბანში პოლიციამ ცხედარი იპოვა [თავდაპირველად გავრცელდა ინფორმაცია, თითქოს ბათუმში ზღვამ ცხედარი გამორიყა, რასაც პოლიცია არ ადასტურებს].
შინაგან საქმეთა სამინისტროს ინფორმაციით შუახნის კაცი მოკლულია. შემთხვევა დღეს მოხდა. ფაქტზე დაწყებულია გამოძიება სისხლის სამართლის კოდექსის 108-ე მუხლით, რაც განზრახ მკველელობას გულისხმობს და ისჯება თავისუფლების აღკვეთით ვადით ათიდან თხუთმეტ წლამდე.
კონკრეტულად რა მოხდა და რამ გამოიწვია დაპირისპირება, ამის შესახებ ამ ეტაპზე უცნობია.
