Batumelebi | უსკო: პარტიული სია ხუთმა საარჩევნო სუბიექტმა არ წარმოადგინა უსკო: პარტიული სია ხუთმა საარჩევნო სუბიექტმა არ წარმოადგინა – Batumelebi
RU | GE  

უსკო: პარტიული სია ხუთმა საარჩევნო სუბიექტმა არ წარმოადგინა

უსკოში პარტიული სიების წარდგენის ვადა ამოიწურა. უსკოს ოფიციალურ ფეისბუქგვერდზე გამოქვეყნებული ინფორმაციის მიხედვით, აჭარის უმაღლესი საბჭოს არჩევნებზე პარტიული სია 15-მა საარჩევნო სუბიექტმა [11 დამოუკიდებელი პარტია და 4 საარჩევნო ბლოკი] წარადგინა.

  1. „უსუფაშვილი – რესპუბლიკელები“;
  2. „დავით თევზაძე – საქართველოს მშვიდობისათვის”;
  3. „ირაკლი ალასანია – თავისუფალი დემოკრატები“;
  4. „შალვა ნათელაშვილი – საქართველოს ლეიბორისტული პარტია“;
  5. საარჩევნო ბლოკი „ნინო ბურჯანაძე – დემოკრატიული მოძრაობა“;
  6. „საქართველოს ერთიანი კომუნისტური პარტია“;
  7.  „დავით თარხან-მოურავი, ირმა ინაშვილი – საქართველოს პატრიოტთა ალიანსი“;
  8. „ეროვნული ფორუმი”;
  9. საარჩევნო ბლოკი „ჩვენები – სახალხო პარტია“;
  10. „ერთიანი ნაციონალური მოძრაობა“;
  11. „ქართული ოცნება – დემოკრატიული საქართველო”;  
  12. საარჩევნო ბლოკი „პაატა ბურჭულაძე – სახელმწიფო ხალხისთვის“;
  13. „მურმან დუმბაძე, მედეა ვასაძე – ემსახურე საქართველოს“;
  14. საარჩევნო ბლოკი „თოფაძე მრეწველები, ჩვენი სამშობლო“;
  15. „თამაზ მეჭიაური ერთიანი საქართველოსთვის“.

პარტიული სიები არ წარუდგენიათ შემდეგ საარჩევნო სუბიექტებს:

  1. „კახა კუკავა – თავისუფალი საქართველო“;
  2. „საქართველო“;
  3. „კახა ძაგანია, სოსო შატბერაშვილი, პაატა ჯიბლაძე, არჩილ ბენიძე – მემარცხენე ალიანსი”;
  4. „ახალი პოლიტიკური ცენტრი – გირჩი“;
  5. „სახალხო ხელისუფლება”.

„ახალი პოლიტიკური ცენტრი – გირჩის“ ლიდერმა აჭარაში, ჯემალ ბერიძემ „ბათუმელებთან“ საუბარში განაცხადა, რომ გირჩი წარმომადგენლები საარჩევნო ბლოკის – „პაატა ბურჭულაძე – სახელმწიფო ხალხისთვის“ პარტიულ სიაშია წარმოდგენილი:

„ბლოკის პირველ თორმეტეულში ოთხი გირჩის წარმომადგენელია; მე ვარ მეორე სიის მეორე ნომრად, გიგლა გაბაიძე – მეხუთე, თამარ ხოზრევანიძე – მეთერთმეტე და მეთორმეტე დავით მანელიშვილი“ – თქვა ჯემალ ბერიძემ.

„ბათუმელებს“ საარჩევნო ბლოკში – „პაატა ბურჭულაძე – სახელმწიფო ხალხისთვის“ უთხრეს, რომ სიის წარდგენა ხვალ იგეგმება და ამ დროისათვის ინფორმაციას ვერ მოგვაწვდიან.

უსკოს ინფორმაციით, აჭარის უმაღლესი საბჭოს 2016 წლის 8 ოქტომბრის არჩევნებში მონაწილეობისთვის უსკოში სულ 20 საარჩევნო სუბიექტია რეგისტრირებული, აქედან 9 პარტია გაერთიანებულია 4 ბლოკში, 16 პოლიტიკური გაერთიანება კი დამოუკიდებლად მონაწილეობს.

უსკოში რეგისტრირებული საარჩევნო სუბიექტებს, რომლებიც არ წარადგენენ პარტიულ სიას, ან წარდგენილი პარტიული სია რეგისტრაციაში არ გატარდება, საარჩევნო კანონმდებლობის შესაბამისად უსკოს თავმჯდომარის განკარგულებით გაუუქმდებათ პარტიის საარჩევნო რეგისტრაცია.

ნეტგაზეთის მასალების სხვა გამოცემებში გადაბეჭდვის წესი
ავტორი
ირმა დიმიტრაძე არის გაზეთ "ბათუმელების" რეპორტიორი 2016 წლიდან