8 იანვარს რუსეთის თავდასხმას უკრაინის ქალაქ ზაპოროჟიეზე მსხვერპლი მოჰყვა.
რუსეთმა ორი КАБ-ით, მართვადი საჰაერო ბომბით დაბომბა ქალაქ ზაპოროჟიეს საცხოვრებელი უბნები.
დაბომბვის შედეგად დაიღუპა 13 ადამიანი, განადგურდა მრავალსართულიანი შენობები და ქალაქის ინფრასტრუქტურა. ბოლო ცნობებით დაბომბვის შედეგად 113 ადამიანი დაშავდა, მათგან 10-ის ჯანმრთელობის მდგომარეობა მძიმეა.
ზაპოროჟიეში დღევანდელი დღე, 9 იანვარი, გლოვის დღედ გამოცხადდა.
უკრაინული მხარის ცნობით, მხოლოდ ერთ დღეში რუსეთის ჯარებმა ზაპოროჟიეს რეგიონის 12 დასახლებულ პუნქტს 333 დარტყმა მიაყენეს.
