5 იანვარს, ღამით, რუსეთში, როსტოვის ოლქში მდებარე ქალაქ ტაგანროგს უკრაინული დრონები დაესხა თავს.
რუსეთის თავდაცვის სამინისტრომ მხოლოდ ერთ ღამეში, რუსეთის საჰაერო სივრცეში 61 უკრაინული დრონის ჩამოგდების შესახებ გაავრცელა ინფორმაცია, მათგან 37 დრონი – როსტოვის ოლქის თავზე ჩამოადგეს.
მედიის ცნობით, დრონების თავდასხმის შედეგად ტაგანროგში დაზიანდა საცხოვრებელი კორპუსების კედლები. მსხვერპლის შესახებ ინფორმაცია არ ვრცელდება.
2024 წლის დეკემბრის ბოლოს უკრაინის შეიარაღებულმა ძალებმა დრონებით ორჯერ შეუტიეს როსტოვის ოლქში მდებარე მილეროვოს სამხედრო აეროდრომს.
ასევე გუშინ, 4 იანვარს, რუსულმა მხარემ უკრაინული დრონებით ვორონეჟში თავდასხმაზე განაცხადა. რუსეთის ცნობით, ვორონეჟში მინიმუმ 5 უკრაინული დრონი ჩამოაგდეს. გამოცხადდა საგანგებო მდგომარეობა. მსხვერპლის შესახებ ინფორმაცია არ ვრცელდება.
_____________
ფოტოზე: უკრაინელი ჯარისკაცი ამოწმებს უკრაინულ დრონს, „ფურიას“. ფოტო: ევროპის პრესფოტო სააგენტო. EPA-EFE/MARIA SENOVILLA
