Batumelebi | ბათუმში ჟიული შარტავას მემორიალი გაიხსნა ბათუმში ჟიული შარტავას მემორიალი გაიხსნა – Batumelebi
RU | GE  

ბათუმში ჟიული შარტავას მემორიალი გაიხსნა

დღეს, 5 სექტემბერს, ბათუმში, იუსტიციის სახლის მიმდებარე ტერიტორიაზე ჟიული შარტავას მემორიალი გაიხსნა.  პროექტის განხორციელებისთვის ბათუმის მერიამ 62 500 ლარი გამოყო. ჟიული შარტავას სკულპტურის ავტორი გიორგი შხვაცაბაიაა.

ღონისძიებას ესწრებოდნენ  მთავრობის წარმომადგენლები და ჟიული შარტავას ახლობლები.

ჟიული შარტავა აფხაზეთის მინისტრთა საბჭოსა და თავდაცვის საბჭოს თავმჯდომარე იყო, რომელიც აფხაზეთის ომის დროს სეპარატისტებმა დახვრიტეს.

„ძალიან მნიშვნელოვანია რომ ჩვენს ქალაქში გაიხსნა ეროვნული გმირის, ჟიული შარტავას მემორიალი. ეს ის ადამიანია, რომელიც ბოლო წუთებამდე იდგა ჩვენი ქვეყნის სადარაჯოზე, რომელმაც თავი შესწირა ჩვენი ქვეყნის ერთიანობას“-განაცხადა აჭარის  მთავრობის თავმჯდომარემ ზურაბ პატარაძემ.

მემორიალის გახსნას ჟიული შარტავას ახლობლები ესწრებოდნენ. მათი თქმით, მემორიალის გახსნა მნიშვნენლოვანია ახალგაზრდა თაობებისთვის, რომ ახსოვდეთ ჟიული შარტავა და არა მარტო ის,  ყველა ადამიანი, ვინც  მასთან ერთად იბრძოდა“.

მემორიალის დამზადება-მონტაჟის სამუშაოებზე ბათუმის მერიამ ტენდერი მიმდინარე წლის აპრილში გამოაცხადა. სატენდერო თანხა კი 96 ათას 650 ლარი იყო.

ჟიული შარტავას მემორიალი ბათუმში

ჟიული შარტავას მემორიალი ბათუმში

ნეტგაზეთის მასალების სხვა გამოცემებში გადაბეჭდვის წესი
ნაზი ბერიძე