ბათუმის ბულვარში, კლუბ „სოჰოს“ მიმდებარე ტერიტორიაზე, სამი ადამიანი დაჭრეს. შემთხვევა 30 ივლისს, საღამოს მოხდა.
„ბათუმელების“ ინფორმაციით, ერთი პირი მძიმედ არის დაჭრილი.
შს სამინისტროს ინფორმაციით, ბრალდებული პოლიციამ ცხელ კვალზე დააკავა.
გამოძიება დაწყებულია სისხლის სამართლის კოდექსის 117-ე და 120-ე მუხლებით – რაც ერთ შემთხვევაში ჯანმრთელობის განზრახ მძიმე დაზიანებას გულისხმობს, მეორე შემთხვევაში კი – ჯანმრთელობის განზრახ მსუბუქ დაზიანებას.
დაკავებულია 21 წლის კაცი.
